Hírek

ՀԱՒՔ պաարային խումբը Վեսպրեմում

Published

6 ամիս ago

2025.05.19.

Մայիսի 10-ին Վեսպրեմ քաղաքում ՀԱՒՔ պարային խումբը ելույթ ունեցավ «Գիզելլայի օրեր»-ի կապակցությամբ։Ամեն տարի մայիս ամսին նշվում է թագուհի Գիզելլային՝ Իշտվան I թագավորի կնոջը, նվիրված օրեր Վեսպրեմ քաղաքում։ Վեսպրեմը նաև հայտնի է որպես «Թագուհիների քաղաք»։ «Գիզելլայի օրեր»-ին մի շարք միջոցառումներ են լինում Վեսպրեմ քաղաքի տարբեր մասերում և այս տարի ՀԱՒՔ պարային խումբը նույնպես մի մասն էր այդ միջոցառումների։

Պարային խումբը ներկայացրեց՝ «Շավալի», «Խոշ բիլազիգ», «Մածուն եմ մերել», «Թաշկինակներով պար», «Իշխանաց պար» և «Կարնո քոչարի»։ Ելույթը հայկական «Արարատ» հուշարձանի մոտ գտնվող բեմում էր։

ՀԱՒՔ պարային խումբը ձևավորվել է 2024 թ․-ի մարտ ամսին՝ Բուդապեշտում բնակվող մի խումբ հայ երիտասարդների նախաձեռնությամբ և Սիմա Օհանյանի գլխավորությամբ։ Սկզբում խմբի նպատակը միայն պարուսուցումներն էին, սակայն այնուհետև դասերի մասնակիցներից ձևավորվեց պրոֆեսիոնալ պարի խումբ։ Այժմ խումբը զբաղվում է հայկական ազգային մշակույթի ներկայացմամբ և տարածմամբ՝ Հունգարիայում և նրա սահմաններից դուրս։ ՀԱՒՔ-ի հիմնական անդամները Բուդապեշտում բնակվող հայ ուսանողներն են։ 2024 թվականի աշնանը ձևավորվել է նաև ՀԱՒՔ երգչախումբը, որը ևս զբաղվում է հայկական ազգային և հոգևոր երգերի կատարմամբ և տարածմամբ։

ՀԱՒՔ խումբը մասնակցել է մի շարք միջոցարումների՝ կազմնավորվելուց անմիջապես հետո։ Առաջին ելույթը տեղի է ունեցել Բուդապեշտի 18-րդ թաղամասում՝ Հայ ընտանիքի և երեխաների օրվան նվիրված միջոցառմանը։ 2024 թվականի սեպտեմբերին Տրանսիլվանիայի Գեորգենի քաղաքի հայ համայնքի հրավերով խումբն ունեցավ իր առաջին ելույթը Հունգարիայից դուրս։ 2024 թ․-ի Նոյեմբերի 22-ին K11 մշակութային տանը տեղի է ունեցել ՀԱՒՔ պարային խմբի և երգչախմբի համերգը՝ նվիրված Կոմիտասի 155 ամյակին։ ՀԱՒՔ պարային խումբը հանդես է եկել 2025 թ․-ի մարտի 25-ին Հունգարիայի Ազգային թատրոնում կազմակերպված «Մուսա Դագ» ներկայացմանը՝ Հայոց ցեղասպանության 110 ամյակին նվիրված։ Բացի իր հիմնական ելույթներից, խումբը մասնակցում է նաև հայկական եկեղեցական տոների նշմանը, կազմակերպում է պարուսուցումներ և ունենում ելույթներ հայկական միջոցառումների ժամանակ:

Հոդվածը՝ Ֆլորա Համբարձումյան, 2024-1-HU01-ESC51-VTJ-000207879

Լուսանկարները հրապարակեց՝ Ֆլորա Համբարձումյան, 2024-1-HU01-ESC51-VTJ-000207879

Hírek

ՀՀ Անկախության 34-ամյակը Բուդապեշտում

Published

1 ամիս ago

2025.10.01.

armenian

Սեպտեմբերի 21-ին Բուդապեշտի Ակադեմիա 1 հասցեում տեղի ունեցավ ՀՀ Անկախության օրվան նվիրված միջոցառում, որին մասնակցեցին Հունգարիայում ՀՀ արտակարգ և լիազոր դեսպան դոկտոր Հայկակ Արշամյանը, Հունգարիայի խորհրդարանում հայ համայնքի խոսնակ պարոն Նիկողոս Ակոպյանը և Հունգարիայի Հայ Ինքնավարության նախագահ պարոն Ցարան Իշտվանը։

Տոնական միջոցառման ընթացքում տեղի ունեցավ նաև 2025 թ․-ի «Արարատ-հանուն հայության» մրցանակի հանձնման արարողությունը։ Հայ Ինքնավարության Ընդհանուր Ժողովի 2025 թ․-ի որոշման համաձայն այս տարի «Արարատ-հանուն հայության» մրցանակը հանձնվեց պարոն Գեզա Յանոշ Աբգարովիչին։ Պարոն Գեզա Յանոշ Աբգարովիչը ճանաչված վիրաբույժ է, ով հայ համայնքում իր անմնացորդ աշխատանքի համար նշանակվել է որպես Հունգարիայում ՀՀ պատվավոր հյուպատոս։ Նա չափազանց ակտիվ մասնակցություն է ցուցաբերում Հունգարիայում ապրող հայ համայնքի կյանքին՝ ներկայացնելով համայնքի շահերը, անհրաժեշտության դեպքում օգնություն ցուցաբերում բոլոր ոլորտներում և զարգացնում մայր հայրենիքի և հունգարահայ համայնքի միջև հաստատված փոխհարաբերությունները։ Վերջին տասնամյակների ընթացքում նա ֆինանսապես բազմիցս աջակցել է հայ համայնքի աշխատանքներին, օգնություն ցուցաբերել կարիքավոր հայրենակիցներին։

Միջոցառմանը իրենց ելույթի խոսքով հանդես եկան Հունգարիայի խորհրդարանում հայ համայնքի խոսնակ պարոն Նիկողոս Ակոպյանը և Հունգարիայում ՀՀ արտակարգ և լիազոր դեսպան դոկտոր Հայկակ Արշամյանը։ Միջոցառումը վարեցին Ֆլորա Համբարձումյանը և Լաուրա Լիբորը։

Միջոցառման գեղարվեստական մասում ելույթ ունեցան ՀԱՒՔ ազգագրական պարի խումբը, Իռենա Մարտիրոսյանը (դաշնամուր), Լուսինե Մարտիրոսյանը (վոկալ), Դիանա Ասրյանը (դաշնամուր)։ Միջոցառման գեղարվեստական մասին հաջորդեց հյուրասիրություն։

Հոդվածը՝ Ֆլորա Համբարձումյան, 2024-1-HU01-ESC51-VTJ-000207879

Լուսանկարները հրապարակեց՝ Ֆլորա Համբարձումյան, 2024-1-HU01-ESC51-VTJ-000207879

Hírek

AFAGG Armenia մարմնամարզության մանկական խմբերը մասնակցեցին Բուդապեշտում կայացող EU Championships 2025-ին

Published

2 ամիս ago

2025.09.24.

armenian

Սեպտեմբերի 20-21-ը Բուդապեշտ, Հունգարիայում, Հայաստանի AFAGG թիմը (Federation of Aesthetic Group Gymnastics) մասնակցեց 2025 թվականի Եվրոպական Առաջնությունում՝ մի քանի կատեգորիաներում ապահովելով գերազանց տեղեր։

1. Հայաստան թիմ — առաջին տեղ 10-12 տարեկան
2. Լույս թիմ — երկրորդ տեղ 8-10 տարեկան
3. Հաղթանակ թիմ — երրորդ տեղ 8-10 տարեկան
4. Արևիկ թիմ — երրորդ տեղ 6-8 տարեկան

Շնորհավորում ենք մեր աղջիկներին արժանի հաղթանակների կապակցությամբ և մաղթում ենք նրանց հաջողություններ իրենց կարիերաներում։

Հոդվածը՝ Շողեր Մանուկյան, 2024-1-HU01-ESC51-VTJ-000207879

Hírek

Ամառային ճամբար

Published

2 ամիս ago

2025.09.01.

armenian

Հունիսի 11-15 կայացել է ամառային ճամբար Հունգարիայում բնակվող հայ երեխաների համար։ Այս տարի ճամբարին միացան նաև Արտաշատից չորս աշակերտ իրենց ուղեկցորդի հետ։ Ճամբարը մեկնարկվեց Բալատոնի ափից, այնուհետև երեխաներին տեղափոխեցին Կաբոկա ճամբարային տարածք։ Ճամբարի շրջանակներում երեխաների համար անց կացվեցին մի շարք ծրագրեր՝ ժամացային, մշակութային և ուսուցողական։