Hírek
Հայկական նախագծր «Հայ Երիտասարդական Ճամբարում»
Հայ Երիտասարդական Ճամբարը ի սկզանե մտածված է խթանել Հունգարիայում ապրող հայ և ծագումով հայ երեխաների, պատանիների մի միանց հետ հանդիպելուն և ծանոթանալուն։ Ճամբարի նպատակներից է ոչ միայն հայերի միջև կապեր ստեղծելը, այլև նրանց հայկական ժառանգության հետ հաղորդակցելը։
Ալեքս Ավանեսյանը հակիրճ անդրադարձավ հայկական պատմությանը՝ ներկայացնելով հայկական թագավորությունների ձևավորման ընթացքը, քրիստոնեության ընդունման կարևորությունը և այլ նշանակալի պատմական իրադարձություններ։ Նրա ելույթը, ճամբարի մասնակիցների մոտ, հետաքրքրություն առաջացրեց հայկական անցյալի նկատմամբ։
«Հունգարիայի Հայ Մշակութային Հիմնադրամի» «Ուրարտու» թատրոնի կազմակերպած խաղային ձևով հարց ու պատասխանն էլ ավելի մոտցրեց երեխաներին հայկական մշակույթին։ Մասնակցները պետք է ասենին կամ գուշակեին նկարներում հայկական մշակույթին առնչվող տարբեր ժամանակներում ստեղծված իրերի անունները, ծագումնաբանությունը և պատմությունը։ Նախագիծը վերածվեց ուսուցողական զվարճալի խաղի:
Սերգեյ Փարաջանովի ծննդյան 100-ամյակին նվիրված աշխատանոցը, որը իրականացվեց «Հունգարիայի Հայ մշակութային հիմնադրամի» կամավորներ Սյուզաննա Հակոբյանի և Գրիգոր Մորադյանի կողմից, մեծ հետաքրքրություն առաջացրեց։ Աշխատանոցը անդրադարձավ կոլաժային արվեստին՝ ներկայացնելով Փարաջանովի ստեղծագործությունները և նրա արվեստի յուրահատկությունը։ Աշխատանքը երեխաների համար դարձավ ստեղծագործական պրպտումներ կատարելու և Փարաջանովի աշխարհընկալմանը ծանոթանալու բացառիկ հնարավորություն։
Հոդվածը՝ Գրիգոր Մուրադյան 2023-1-HU01-ESC51-VTJ-000146422
Լուսանկարները հրապարակեց՝ Սյուզաննա Հակոբյան 2023-1-HU01-ESC51-VTJ-000146422
Hírek
Հայ Կինոյի Օր
Ապրիլի 16-ը նշվում է որպես Հայ Կինոյի օր։ 2019 թ․ ՀՀ ազգային ժողովը ընդունեց ապրիլի 16-ը՝ Հայ կինոյի օր սահմանելու մասին օրենքի նախագիծը և հավանության արժանացավ։ 2025 թ․-ի ապրիլի 16-ին Բուդապեշտի Հայկական Մշակութային Կենտրոնում նույնպես նշվեց Հայ կինոյի օրը՝ կազմակերպված հայկական մշակութային ֆոնդի կամավորներ՝ Շողեր Մանուկյանի և Ֆլորա Համբարձումյանի կողմից։ Ցուցադրվեցին հայկական ֆիլմեր և մուլտֆիլմեր՝ Տժվժիկը, Կախարդական Լավաշը, 0199, Ձախորդ Փանոսը, Տերն ու Ծառան, Քաջ Նազարը։
Հոդվածը՝ Ֆլորա Համբարձումյան, 2024-1-HU01-ESC51-VTJ-000207879
Լուսանկարները հրապարակեց՝ Ֆլորա Համբարձումյան, 2024-1-HU01-ESC51-VTJ-000207879
Hírek
Մուսա Դագ Ներկայացում
Հայոց ցեղասպանության 110 ամյակին նվիրված 2025 թ․-ի մարտի 25-ին կազմակերպվել է «Մուսա Դագ» մյուզիքլը Ազգային թատրոնում։ Ներկայացումը կազմակերպվել էր Դիրամերյան Արթինի կողմից, իսկ կոմպոզիտորն էր Էմբեր Պետերը։ Գլխավոր հերոսի՝ Գաբրիել Բագրատյանի դերը կատարում էր Թոթ Անդրեաշը, իսկ Ժուլիետի դերը կատարում էր Կովաչ Օլգան։ Պատմողի դերում էր Չիզմադիա Գաբրիելլան։ «Հավք» պարի խումբը՝ Սիմա Օհանյանի գլխացորությամբ նույնպես մասնակցեց թատերական ներկայացմանը։
Ներկայացումը ցուցադրեց թե ինչպես Մուսա լեռան հայությունը ինքնապաշտպանության նպատակով ամրացավ Մուսա լեռան վրա` Գաբրիել Բագրատյանի գլխավորությամբ։ Ժուլիեթի և երիտասարդ հույնի կապը ցուցադրվեց, ով թողնելով Ժուլիեթին գնում է Հալեպ։ Նրա դավաճանությունը բացահայտվում է, որից հետո ցուցադրվում է Ստեփանի սպանությունը և Գաբրիել Բագրատյանի կյանքի ողբերգական ավարտը։
Ավարտին հանդիսատեսը երկարատև ծափողջյուններով ու հուզմունքով գնահատեց ներկայացումը։
Հոդվածը՝ Ֆլորա Համբարձումյան, 2024-1-HU01-ESC51-VTJ-000207879
Լուսանկարները հրապարակեց՝ Ֆլորա Համբարձումյան, 2024-1-HU01-ESC51-VTJ-000207879
Hírek
Ավետիք Իսահակյանին և Վահան Տերյանին նվիրված գրական երեկո
Մարտի 21-ին Հայկական Մշակութային Կենտրոնում տեղի ունեցավ երեկո՝ նվիրված հայ մեծանուն գրղներ Ավետիք Իսահակյանին և Վահան Տերյանին։ Օրը պատահական չէր ընտրված, քանզի մարտի 21-ը պոեզիայի համաշխարհային օրն էր։ Իսկ մեծանուն գրողները ընտրվել էին այն սկզբունքով, որ այս տարի Ավետիք Իսահակյանի 150 ամյակն է, իսկ Վահան Տերյանի՝ 140:
Գրական երեկոն կազմակերպվել է Հայ Մշակութային Ֆոնդի 2 կամավորների կողմից՝ Ֆլորա Համբարձումյանի և Շողեր Մանուկյանի։ Ներկայացվել են Ավետիք Իսահակյանի և Վահան Տերյանի գրական գործունեությունը, նրանց կարեւորությունը հայ գրականության մեջ։ Ցուցադրվել են ֆիլմեր 2 գրողների վերաբերյալ։ Հնչեցին Ավետիք Իսահակյանի և Վահան Տերյանի բանաստեղծություններից՝ Միկլոշ Շորոշի, Ֆլորա Համբարձումյանի, Արգինե Մարգարյանի, Անժելա Մաթևոսյանի, Լիբոր Լաուրայի կողմից։ Հնչեցին նաև Ավետիք Իսահակյանի և Վահան Տերյանի հեղինակած խոսքերով երգեր՝ Արա Ղազարյանի, Անժելա Մաթևոսյանի, Մովսես Այարիանի կատարմամբ և Շողեր Մանուկյանի (թավջութակ), Իռենա Մարտիրոսյանի(դաշնամուր) և Մովսես Այարիանի (կիթառ) նվագակցությամբ։
Երեկոն համախմբեց Հունգարիայում բնակվող հայերին՝ Ավետիք Իսահակյանի և Վահան Տերյանի ստեղծագործությունների շուրջ։
Հոդվածը՝ Ֆլորա Համբարձումյան, 2024-1-HU01-ESC51-VTJ-000207879
Լուսանկարները հրապարակեց՝ Ֆլորա Համբարձումյան, 2024-1-HU01-ESC51-VTJ-000207879
-
Hírek2 տարի agoՀունգարացի պատգամավորն անդրադարձել է Հայաստանի հետ հարաբերությունների կարգավորման հեռանկարներին
-
Hírek2 տարի agoՀուլիսի 26-ին Հունգարիայում ՀՀ դեսպան Աշոտ Սմբատյանը հանդիպում ունեցավ Հունգարիայի հայ ինքնավարության և տեղի հայ համայնքի ներկայացուցիչների հետ
-
Hírek2 տարի agoՀայկական Սուրբ Ծնունդ
-
Hírek2 տարի ago2023թ․-ի «Ուրարտու» թատրոնի առաջին ներկայացումը
-
Hírek2 տարի ago
Սեպտեմբերի 18-ին Հունգարիայում ՀՀ դեսպան Աշոտ Սմբատյանը հանդիպում ունեցավ Հունգարիայի արտաքին գործերի և առևտրի նախարարության պետքարտուղարի տեղակալ Կատալին Բիհարիի հետ։
-
Hírek2 տարի agoՀՀ ԱԳՆ հայտարարություն
-
Hírek2 տարի agoՀուլիսի 28-ին Հունգարիայում ՀՀ դեսպան Աշոտ Սմբատյանը հանդիպում ունեցավ Հունգարիայի վարչապետի աշխատակազմի ղեկավար նախարար Գերգելի Գուլաշի (Gergely Gulyás) հետ։
-
Hírek2 տարի ago«Վերոնիկան որոշում է մեռնել»