Hírek
ՀՀ ԱԳ նախարարի հանդիպումը Հունգարիայի փոխվարչապետի հետ
Հունգարիա պաշտոնական այցի շրջանակներում մայիսի 6-ին ՀՀ ԱԳ նախարար Արարատ Միրզոյանը հանդիպում է ունեցել Հունգարիայի փոխվարչապետ Ժոլտ Շեյմենի հետ:
Զրուցակիցները մտքեր են փոխանակել դիվանագիտական հարաբերությունների վերականգնումից հետո երկկողմ օրակարգի զարգացման հնարավորությունների, ինչպես նաև տարածաշրջանային հարցերի շուրջ։
Երկուստեք նշվել է, որ Արարատ Միրզոյանի՝ ԱԳ նախարարի մակարդակով պաշտոնական այցը տեղի է ունենում տասնհինգ տարվա ընդմիջումից հետո՝ հույս հայտնելով, որ վերջին շրջանի դինամիկան և բարձրաստիճան փոխայցելությունները թույլ կտան նոր խթան հաղորդել հարաբերությունների և բազմաոլորտ օրակարգի զարգացմանը: «Առկա է դեռ չիրացված մեծ ներուժ թե’ քաղաքական երկխոսության, թե’ հատկապես տնտեսական կապերի առումով, և առկա է պատրաստակամություն քայլեր ձեռնարկել շարունակական արդյունքներ գրանցելու համար»,- հավելել է Արարատ Միրզոյանը։
Հանգամանալից քննարկվել են տարբեր ոլորտներում երկու երկրների համապատասխան կառույցների փոխգործակցության հեռանկարները։ Հատուկ ուշադրություն է հատկացվել կրթության, մարդկանց միջև շփումների, մշակութային զբոսաշրջության զարգացման հեռանկարներին, որոնց էականորեն կարող է նպաստել Երևան-Բուդապեշտ ուղիղ չվերթների մեկնարկը։ Վկայակոչելով Բուդապեշտում Պետեր Պազմանի Կաթոլիկ Համալսարանում հայկական ուսումնասիրությունների բաժանմունքի գոյությունը, ինչպես նաև երկու երկրների միջև 2023-24թթ կնքված փոխըմբռնման հուշագրերը՝ նախարար Միրզոյանը կարևորել է փորձի, ուսանողների փոխանակման, կրթաթոշակային ծրագրերի կյանքի կոչումը։
Անդրադարձ է կատարվել նաև պատմամշակութային արժեքների պաշտպանությանը Հունգարիայի կողմից ցուցաբերվող հատուկ ուշադրությանն ու այս ուղղությամբ իրականացվող քայլերին։
ՀՀ արտագին գործերի նախարարը և հունգարիայի փոխվարչապետը մտքեր են փոխանակել ԵՄ հարթակում փոխգործակցության հարցերի շուրջ՝ հաշվի առնելով տարվա երկրորդ կեսին ԵՄ Խորհրդում Հունգարիայի նախագահությունը։ Նախարար Միրզոյանը հույս է հայտնել, որ համատեղ ջանքերով կհաջողվի կյանքի կոչել ՀՀ-ԵՄ գործընկերության նոր օրակարգում նախանշվող բոլոր ծրագրերը։
Անդրադառնալով Հարավային Կովկասում հարատև խաղաղության հասնելու Հայաստանի տեսլականին՝ նախարար Միրզոյանը ներկայացրել է Հայաստանի և Ադրբեջանի միջև ընթացող խաղաղության գործընթացը, այդ թվում՝ սահմանազատման գործընթացում զարգացումները՝ ընդգծելով տարածքային ամբողջականության ու սահմանների ճանաչման, դրանց անքակտելիության առանցքային սկզբունքները։
Տարածաշրջանային տնտեսական փոխկապակցվածության զարգացման համատեքստում նախարար Միրզոյանը զրուցակցին է ներկայացրել ՀՀ կառավարության կողմից մշակված «Խաղաղության խաչմերուկ» ծրագիրը և դրա ընձեռած հնարավորությունները:
Հոդվածը՝ Գրիգոր Մուրադյան 2023-1-HU01-ESC51-VTJ-000146422
Լուսանկարները հրապարակեց՝ Սյուզաննա Հակոբյան 2023-1-HU01-ESC51-VTJ-000146422
Hírek
Ամփոփիչ ցուցադրություն
2024 թ օգոստոսի 23 ին Հունգարիայի հայկական մշակութային կենտրոնում տեղի ունեցավ ամփոփիչ ցուցադրության բացումը։
Ամփոփիչ ցուցադրությունը նվիրված էր՝ Հունգարիայում «Հայ Երիտասարդական Ճամբար 2024 -ի» ժամանակ արված «Փարաջանով 100» կոլաժային նախագծին և մշակույթի տանը ավելի քան 5 ամիս տևած քանդակագործության դասընթացների ժամանակ ստեղծված աշխատանքներին։
Ճամբարի ընթացքում եղել է կոլաժի վարպետաց դաս, որի ընթացքում մասնակիցները աշխատել են խմբերով։
Աշխատանոցի ժամանակ ներկայացվել է հայ հռչակավոր կինոռեժիսոր, սցենարիստ, արվեստագետ Սերգեյ Փարաջանովի գործունեությունը, նաև կոլաժները։
Այս տարի նրա ծննդյան 100 ամյակն է։
Ցուցադրությունը նաև ուներ ինտերակտիվ մաս և այդ ժամանակ ստեղծվեց ևս մեկ կոլաժային աշխատանք և ավելացավ ներկայացվող աշխատանքների կողքին։
Կավագործության դասըթացը անցկացրել է Գրիգոր Մուրդյանը։
Ճամբարի ծրագրեը՝ Գրիգոր Մուրդյան և Սյուզաննա Հակոբյանը։
Նախագծերը իրականացվել են Հունգարիայի հայկական մշակութային հիմնադրամում ESC կամավորական ծրագրի ակտիվության ընթացքում։
Հոդվածը՝ Գրիգոր Մուրադյան 2023-1-HU01-ESC51-VTJ-000146422
Լուսանկարները հրապարակեց՝ Սյուզաննա Հակոբյան 2023-1-HU01-ESC51-VTJ-000146422
Hírek
Հայկական նախագծր «Հայ Երիտասարդական Ճամբարում»
Հայ Երիտասարդական Ճամբարը ի սկզանե մտածված է խթանել Հունգարիայում ապրող հայ և ծագումով հայ երեխաների, պատանիների մի միանց հետ հանդիպելուն և ծանոթանալուն։ Ճամբարի նպատակներից է ոչ միայն հայերի միջև կապեր ստեղծելը, այլև նրանց հայկական ժառանգության հետ հաղորդակցելը։
Ալեքս Ավանեսյանը հակիրճ անդրադարձավ հայկական պատմությանը՝ ներկայացնելով հայկական թագավորությունների ձևավորման ընթացքը, քրիստոնեության ընդունման կարևորությունը և այլ նշանակալի պատմական իրադարձություններ։ Նրա ելույթը, ճամբարի մասնակիցների մոտ, հետաքրքրություն առաջացրեց հայկական անցյալի նկատմամբ։
«Հունգարիայի Հայ Մշակութային Հիմնադրամի» «Ուրարտու» թատրոնի կազմակերպած խաղային ձևով հարց ու պատասխանն էլ ավելի մոտցրեց երեխաներին հայկական մշակույթին։ Մասնակցները պետք է ասենին կամ գուշակեին նկարներում հայկական մշակույթին առնչվող տարբեր ժամանակներում ստեղծված իրերի անունները, ծագումնաբանությունը և պատմությունը։ Նախագիծը վերածվեց ուսուցողական զվարճալի խաղի:
Սերգեյ Փարաջանովի ծննդյան 100-ամյակին նվիրված աշխատանոցը, որը իրականացվեց «Հունգարիայի Հայ մշակութային հիմնադրամի» կամավորներ Սյուզաննա Հակոբյանի և Գրիգոր Մորադյանի կողմից, մեծ հետաքրքրություն առաջացրեց։ Աշխատանոցը անդրադարձավ կոլաժային արվեստին՝ ներկայացնելով Փարաջանովի ստեղծագործությունները և նրա արվեստի յուրահատկությունը։ Աշխատանքը երեխաների համար դարձավ ստեղծագործական պրպտումներ կատարելու և Փարաջանովի աշխարհընկալմանը ծանոթանալու բացառիկ հնարավորություն։
Հոդվածը՝ Գրիգոր Մուրադյան 2023-1-HU01-ESC51-VTJ-000146422
Լուսանկարները հրապարակեց՝ Սյուզաննա Հակոբյան 2023-1-HU01-ESC51-VTJ-000146422
Hírek
Հայ Երիտասարդական Ճամբար 2024
Վեջապես նորից միմյանց հանդիպեցին Հունգարիայում ապրող հայ երեխանեը։ Օգոստոսի 7-ից սկսվեց երկար սպասված հայ երիտասարդական ճամբարը։ Այս տարին առանձնահատուկ է նրանով, որ մեր ճամբարին մասնակցում են ադրբեջանական ագրեսիայի հետևանքով Ղարաբաղից բռնի տեղահանված և Հունգարիա տեղափոխված հայ երեխաաները։
Հոդվածը՝ Գրիգոր Մուրադյան 2023-1-HU01-ESC51-VTJ-000146422
Լուսանկարները հրապարակեց՝ Սյուզաննա Հակոբյան 2023-1-HU01-ESC51-VTJ-000146422
-
Hírek2 տարի agoՀունգարացի պատգամավորն անդրադարձել է Հայաստանի հետ հարաբերությունների կարգավորման հեռանկարներին
-
Hírek1 տարի agoՀուլիսի 26-ին Հունգարիայում ՀՀ դեսպան Աշոտ Սմբատյանը հանդիպում ունեցավ Հունգարիայի հայ ինքնավարության և տեղի հայ համայնքի ներկայացուցիչների հետ
-
Hírek12 ամիս agoՀՀ ԱԳՆ հայտարարություն
-
Hírek2 տարի agoՀայկական Սուրբ Ծնունդ
-
Hírek2 տարի ago2023թ․-ի «Ուրարտու» թատրոնի առաջին ներկայացումը
-
Hírek12 ամիս ago
Սեպտեմբերի 18-ին Հունգարիայում ՀՀ դեսպան Աշոտ Սմբատյանը հանդիպում ունեցավ Հունգարիայի արտաքին գործերի և առևտրի նախարարության պետքարտուղարի տեղակալ Կատալին Բիհարիի հետ։
-
Hírek1 տարի agoՀուլիսի 28-ին Հունգարիայում ՀՀ դեսպան Աշոտ Սմբատյանը հանդիպում ունեցավ Հունգարիայի վարչապետի աշխատակազմի ղեկավար նախարար Գերգելի Գուլաշի (Gergely Gulyás) հետ։
-
Hírek1 տարի ago«Գեղարդ» երգեցիկ խումբ