Connect with us

Hírek

Այց Հայաստանի Հանրապետություն

Published

on

 

Նոյեմբերի 27-ից դեկտեմբերի 2-ը, Հայաստանի Հանրապետություն այցը կազմակերպել էին Հունգարիայի խորհրդարանում հայ համայնքի խոսնակ՝ պատգամավոր Նիկողոս Հակոբյանը, Հունգարիայում ՀՀ դեսպան՝ Աշոտ Սմբատյանը և Հունգարիայի հայ ազգային ինքնավարության գրասենյակի ղեկավար՝ Լասլո Ռոնասեյկը։

Այցելությունը ուներ մի քանի կարևոր նպատակ։

Առաջնայիններից էր Հունկգարիայի հայերի կողմից հավաքված դրամական հումանիտար օգնությունը փոխանցել 2023թ. Ադրբեջանի ագրեսիվ քաղաքանության պատճաչով տուժված և հայրենազրկված Արցախցիներին։ 

Դրամական աջակցությունը կազմում էր 20.000 ԱՄՆ դոլար։ Այն տրվեց սոցալապես անապահով մոտ 35 արցախցի ընտանիքների, որտեղ ապրում են 175 երեխաներ։

Պատվիրակությունը այցելեց  նաև Սպիտակ քաղաք, որտեղ հանդիպեց քաղաքապետ Քաջայր Նիկողոսյանին։ Քննարկվեց Սպիտակ քաղաքի տարածքում գտնվող 258 ռազմագերիների գերեզմանատան վերանորոգման աշխատանքներիը, որտեղ կան 51 հունգարացի ռազմագերիների շիրիմներ։ Երկրորդ համաշխարհային պատերազմի տարիներին նրանք աշխատել և մահացել են Խորհրտային Հայաստանում։

Այցելության ընթացում տեղի ունեցան առանձին հանդիպումներ ՀՀ տարածքային կառավարման և ենթակառուցվածքների նախարար Գնել Սանոսյանի և ԱԺ Հայաստան-Հունգարիա բարեկամական խմբի ղեկավար, ՀՀ ԱԺ «Քաղաքացիական պայմանագիր» խմբակցության անդամ Հռիփսիմե Գրիգորյանի հետ։

Գնել Սանոսյանի հետ քնարկվել են հայ-հունգարական առևտրատնտեսական հարաբերությունների հնարավոր ակտիվացման մասին։ Նիկողոս Հակոբյանը կարևորել է նաև Հայաստանում Հունգարիայի առևտրի պալատի կասեցված գործունեության վերսկսումը, որը հնարավորություն կտա Հայաստանից Հունգարիա արտահանել տարբեր ապրանքատեսակներ։

Քննարկվել են փոխադարձ հետաքրքրություն ներկայացնող այլ հարցեր։

Հռիփսիմե Գրիգորյանը՝ ԱԺ Հայաստան-Հունգարիա բարեկամական խմբի ղեկավարնը, անդրադարձավ երկու երկրների միջև հարաբերությունների, ինչպես քաղաքական, այնպես էլ տնտեսական, մշակութային, հումանիտար և կրթական ոլորտներում զարգացնելու մեծ ներուժի մասին:

ՀՀ ԱԺ Հայաստան-Հունգարիա բարեկամական խմբի անդամ, «Քաղաքացիական պայմանագիր» խմբակցության պատգամավոր Միքայել Թումասյանը նույնպես կարևորել է հայ-հունգարական դիվանագիտական հարաբերությունների վերականգնման փաստը՝ ընդգծելով, որ բարեկամական խմբերի համագործակցությունն ընդլայնելու մեծ հեռանկար կա:

Խորհրդարանական երկկողմ կապերի ընդլայնումն ու խորացումը կարևորել է նաև բարեկամական խմբի անդամ, ԱԺ «Քաղաքացիական պայմանագիր» պատգամավոր Գայանե Եղիազարյանը:

«Հայաստան-Հունգարիա» ընկերության նախագահ Անահիտ Սիմոնյանը, ով նախաձեռնել էր հանդիպումը, նշել է, որ այն տարիների ընթացքում, երբ կասեցված են եղել երկու երկրների միջև դիվանագիտական հարաբերությունները, իր առաքելությունն իրականացրել է ժողովրդավարական դիվանագիտության  ճանապարհով:

Հոդվածը՝ Գրիգոր Մուրադյան 2023-1-HU01-ESC51-VTJ-000146422

Լուսանկարները հրապարակեց՝ Սյուզաննա Հակոբյան 2023-1-HU01-ESC51-VTJ-000146422

Continue Reading

Hírek

ՀՀ ԱԳ նախարարի հանդիպումը Հունգարիայի Ազգային ժողովի նախագահի տեղակալի հետ

Published

on

Հունգարիա կատարած պաշտոնական այցի շրջանակներում մայիսի 6-ին ՀՀ ԱԳ նախարար Արարատ Միրզոյանը հանդիպում է ունեցել Հունգարիայի Ազգային ժողովի նախագահի տեղակալ Իշտվան Յակաբի հետ:

Զրուցակիցները քննարկել են երկկում օրակարգի զարգացման հեռանկարները: Ընդգծվել է այդ ուղղությամբ միջխորհրդարանական կապերի դերն ու ակնկալիքները, երկու խորհրդարաններում գործող բարեկամական խմբերի միջոցով նախաձեռնությունների իրականացման կարևորությունը:

Նախարար Միրզոյանն ընդգծել է, որ դիվանագիտական հարաբերությունների վերականգման նպատակով նախաձեռնված ճանապարհին և վերջին շրջանում կայացած քննարկումների արդյունքում նկատելի է երկուստեք վճռականությունը էական խթան հաղորդել երկկողմ կապերին, որոնք հիմնված են պատմական ու քաղաքակրթական ընդհանուրթյունների վրա:

Երկուստեք ընդգծվել է բարձր մակարդակի փոխայցելությունների, համատեղ նախաձեռնությունների միջոցով նոր ուղղությունների բացահայտման հարցում առկա հետաքրքրությունը, քննարկվել են առաջիկա ծրագրերը:

Առանձնահատուկ ուշադրություն է դարձվել մշակութային, գիտության ու կրթության ոլորտում, մարդկանց միջև շփումների խորացման հարցերին՝ Երևան-Բուդապեշտ ուղիղ չվերթների մեկնարկի, ինչպես նաև «Stipendium Hungaricum» կրթաթոշակային ծրագրի օգտակարությունը: Որպես երկու ժողովուրդների միջև ամուր կապերի վկայություն նշվել է նաև Հունգարիայում պաշտոնապես որպես ազգային փոքրամասնություն ճանաչված հայ համայնքի նկատմամբ հունգար ժողովրդի և Հունգարիայի կառավարության հոգածությունը:

Արարատ Միրզոյանը և Իշտվան Յակաբը մտքեր են փոխանակել նաև տարածաշրջանային անվտանգային հարցերի շուրջ: Նախարար Միրզոյանը ներկայացրել է Հարավային Կովկասում կայուն խաղաղության հասնելու հարցում ՀՀ տեսլականը, առկա մարտահրավերներն ու դրանց հաղթահարման ուղղությամբ ներդրվող ջանքերը:

 

Հոդվածը՝ Գրիգոր Մուրադյան 2023-1-HU01-ESC51-VTJ-000146422

Լուսանկարները հրապարակեց՝ Սյուզաննա Հակոբյան 2023-1-HU01-ESC51-VTJ-000146422

Continue Reading

Hírek

ՀՀ ԱԳ նախարարի հանդիպումը Հունգարիայի փոխվարչապետի հետ

Published

on

Հունգարիա պաշտոնական այցի շրջանակներում մայիսի 6-ին ՀՀ ԱԳ նախարար Արարատ Միրզոյանը հանդիպում է ունեցել Հունգարիայի փոխվարչապետ Ժոլտ Շեյմենի հետ:

Զրուցակիցները մտքեր են փոխանակել դիվանագիտական հարաբերությունների վերականգնումից հետո երկկողմ օրակարգի զարգացման հնարավորությունների, ինչպես նաև տարածաշրջանային հարցերի շուրջ։

Երկուստեք նշվել է, որ Արարատ Միրզոյանի՝ ԱԳ նախարարի մակարդակով պաշտոնական այցը տեղի է ունենում տասնհինգ տարվա ընդմիջումից հետո՝ հույս հայտնելով, որ վերջին շրջանի դինամիկան և բարձրաստիճան փոխայցելությունները թույլ կտան նոր խթան հաղորդել հարաբերությունների և բազմաոլորտ օրակարգի զարգացմանը: «Առկա է դեռ չիրացված մեծ ներուժ թե’ քաղաքական երկխոսության, թե’ հատկապես տնտեսական կապերի առումով, և առկա է պատրաստակամություն քայլեր ձեռնարկել շարունակական արդյունքներ գրանցելու համար»,- հավելել է Արարատ Միրզոյանը։

Հանգամանալից քննարկվել են տարբեր ոլորտներում երկու երկրների համապատասխան կառույցների փոխգործակցության հեռանկարները։ Հատուկ ուշադրություն է հատկացվել կրթության, մարդկանց միջև շփումների, մշակութային զբոսաշրջության զարգացման հեռանկարներին, որոնց էականորեն կարող է նպաստել Երևան-Բուդապեշտ ուղիղ չվերթների մեկնարկը։ Վկայակոչելով Բուդապեշտում Պետեր Պազմանի Կաթոլիկ Համալսարանում հայկական ուսումնասիրությունների բաժանմունքի գոյությունը, ինչպես նաև երկու երկրների միջև 2023-24թթ կնքված փոխըմբռնման հուշագրերը՝ նախարար Միրզոյանը կարևորել է փորձի, ուսանողների փոխանակման, կրթաթոշակային ծրագրերի կյանքի կոչումը։

Անդրադարձ է կատարվել նաև պատմամշակութային արժեքների պաշտպանությանը Հունգարիայի կողմից ցուցաբերվող հատուկ ուշադրությանն ու այս ուղղությամբ իրականացվող քայլերին։

ՀՀ արտագին գործերի նախարարը և հունգարիայի փոխվարչապետը մտքեր են փոխանակել ԵՄ հարթակում փոխգործակցության հարցերի շուրջ՝ հաշվի առնելով տարվա երկրորդ կեսին ԵՄ Խորհրդում Հունգարիայի նախագահությունը։ Նախարար Միրզոյանը հույս է հայտնել, որ համատեղ ջանքերով կհաջողվի կյանքի կոչել ՀՀ-ԵՄ գործընկերության նոր օրակարգում նախանշվող բոլոր ծրագրերը։

Անդրադառնալով Հարավային Կովկասում հարատև խաղաղության հասնելու Հայաստանի տեսլականին՝ նախարար Միրզոյանը ներկայացրել է Հայաստանի և Ադրբեջանի միջև ընթացող խաղաղության գործընթացը, այդ թվում՝ սահմանազատման գործընթացում զարգացումները՝ ընդգծելով տարածքային ամբողջականության ու սահմանների ճանաչման, դրանց անքակտելիության առանցքային սկզբունքները։

Տարածաշրջանային տնտեսական փոխկապակցվածության զարգացման համատեքստում նախարար Միրզոյանը զրուցակցին է ներկայացրել ՀՀ կառավարության կողմից մշակված «Խաղաղության խաչմերուկ» ծրագիրը և դրա ընձեռած հնարավորությունները:

Հոդվածը՝ Գրիգոր Մուրադյան 2023-1-HU01-ESC51-VTJ-000146422

Լուսանկարները հրապարակեց՝ Սյուզաննա Հակոբյան 2023-1-HU01-ESC51-VTJ-000146422

Continue Reading

Hírek

Հայաստանի և Հունգարիայի ԱԳ նախարարների հանդիպումը

Published

on

Մայիսի 6-ին պաշտոնական այցով Հունգարիայում գտնվող ՀՀ ԱԳ նախարար Արարատ Միրզոյանը հանդիպում է ունեցել Հունգարիայի ԱԳ և առևտրի նախարար Պետեր Սիյարտոյի հետ:

Կայացել է նախարարների առանձնազրույցը, որից հետո քննարկումները շարունակվել են ընդլայնված կազմով:

Հանդիպումից հետո Արարատ Միրզոյանը և Պետեր Սիյարտոն ստորագրել են հետևյալ փաստաթղթերը.

  • Հայաստանի Հանրապետության կառավարության և Հունգարիայի կառավարության միջև տնտեսական համագործակցության մասին համաձայնագիր,
  • Հայաստանի Հանրապետության արտաքին գործերի նախարարության և Հունգարիայի արտաքին գործերի և առևտրի նախարարության միջև 2024-2025թթ. համագործակցության ծրագիր:

Քննարկումների ավարտին երկու նախարարները հանդես են եկել համատեղ մամուլի ասուլիսով՝ պատասխանելով նաև լրագրողների հարցերին:

Հոդվածը՝ Գրիգոր Մուրադյան 2023-1-HU01-ESC51-VTJ-000146422

Լուսանկարները հրապարակեց՝ Սյուզաննա Հակոբյան 2023-1-HU01-ESC51-VTJ-000146422

 

Continue Reading

Trending