Connect with us

Hírek

Տեխասում Սուրբ Սարգիս հայկական եկեղեցին ճանաչվել է 2022 թվականի ԱՄՆ-ի «տարվա կառույց»

Published

on

Սուրբ Սարգիս հայկական եկեղեցին, որը գտնվում է ԱՄՆ Տեխաս նահանգի Դալլաս քաղաքի հյուսիսային Քերոլթոն արվարձանում, քվեարկության արդյունքներով հաղթող է ճանաչվել ԱՄՆ-ի 2022 թ.-ի «Տարվա կառույց» անվանակարգում:

Հոդվածում նշվում է, որ ճարտարապետ Դեյվիդ Հոթսոնի կողմից նախագծված եկեղեցին, ասես, անցնում է ժամանակի և տարածության միջով՝ կապվելով հայկական ավանդույթների ու ժողովրդի հետ։

Սուրբ Սարգիս հայկական եկեղեցին օծվել է 2022 թ. ապրիլի 23-ին և իր առաջին կիրակնօրյա պատարագը մատուցել է մեկ օր անց՝ ապրիլի 24-ին՝ 1915 թ.-ի Հայոց ցեղասպանության 1,5 միլիոն զոհերի հիշատակի օրը։

Եկեղեցին կառուցվել է 7-րդ դարի հայկական Սուրբ Հռիփսիմե եկեղեցու օրինակով: Այն տուրք է մատուցում Ցեղասպանության զոհերի հիշատակին հայկական «կյանքի ծառի» պատկերով, որը բաղկացած է ուղիղ 1,5 միլիոն շրջանաձև պատկերակներից, «որոնցից յուրաքանչյուրը եզակի է, ինչպես ավելի քան մեկ դար առաջ կորսված կյանքերը», նշում է պարբերականը:

Եկեղեցու նախագիծը հնագույն ճարտարապետական ձևերը զուգակցում է ժամանակակից տեխնոլոգիաների հետ:

Դեյվիդ Հոթսոնը մեծ պատիվ է համարել այն, որ սուրբ Սարգիս հայկական եկեղեցին նման տիտղոսի է արժանացել:

«Հուսով եմ, որ այն ճանաչվածությունը, որ եկեղեցին ձեռք կբերի այս պատվին արժանանալուց հետո, կօգնի Ամերիկայում բարձրացնել իրազեկությունն աշխարհի ամենահին քրիստոնյա ազգի պատմության և հայ քրիստոնյաների հալածանքների մասին, որոնք դեռևս տեղի են ունենում այսօր Լեռնային Ղարաբաղում», — գրել է Հոթսոնը:

Հոդվածը՝ Լալա Հայրապետյան (2022-1-HU01-ESC51-VTJ-000080624)

Լուսանկարները՝ Տաթևիկ Մուրադյան (2022-1-HU01-ESC51-VTJ-000080624)

Continue Reading

Hírek

«Ազնավուր — 100» ներկայացում «Ուրարտու» հայկական թատրոնի բեմականացմամբ

Published

on

Հունիսի 8-ին Հունգարիայի ազգային թատրոնում ցուցադրվեց Շարլ Ազնավուրի 100-ամյա հոբելյանին նվիրված «Ազնավուր — 100» ներկայացումը` Հունգարիայի հայ ինքնավարության Ուրարտու հայկական թատրոնի բեմականացմամբ։ Միջոցառմանը ներկա էին Հունգարիայում ՀՀ դեսպան Աշոտ Սմբատյանը, Հունգարիայի խորհրդարանի պատգամավորներ, Հունգարիայի հասարակական-մշակութային գործիչներ, հունգարահայ համայնքի ներկայացուցիչներ։
Ազնավուրի կյանքին և գործունեությանը նվիրված ներկայացման մեջ Ազնավուրի դերը խաղում էր հունգարացի հայտնի դերասան Լասլո Բայը, Էդիթ Պիաֆի դերը` Օլգա Կովաչը, իսկ մանուկ տարիներին Ազնավուրի դերը` հունգարահայ դերասան Դանիել Լուկաչը։
«Ուրարտու» հայկական թատրոնը արժանացավ Gergely László Vándordíj  2024 թվականին մրցանակին։
Հունգարիայի հայ ինքնավարության «Ուրարտու» հայկական թատրոնը այս տարի նշում է իր 10-ամյակը։

Հոդվածը՝ Գրիգոր Մուրադյան 2023-1-HU01-ESC51-VTJ-000146422

Լուսանկարները հրապարակեց՝ Սյուզաննա Հակոբյան 2023-1-HU01-ESC51-VTJ-000146422

Continue Reading

Hírek

Հայ մարզիկների նվաճումները Բուդապեշտում

Published

on

Հունիսի 6-ին Հունգարիայում ՀՀ դեսպան Աշոտ Սմբատյանը ներկա գտնվեց Բուդապեշտում անցկացվող ազատ ոճի ըմբշամարտի մեծահասակների միջազգային մրցաշարին, որին մասնակցում էր նաև Հայաստանի հավաքականը։ Մրցաշարի արդյունքում Հայաստանի հավաքականի անդամներ Արսեն Հարությունյանը և Արման Անդրեասյանը ճանաչվեցին հաղթող և արժանացան ոսկե մեդալների, իսկ Վազգեն Թևանյանը նվաճեց արծաթե մեդալ։
ՀՀ դեսպանը շնորհավորեց հավաքականի մարզիկներին և մարզչին այս կարևոր նվաճման կապակցությամբ և մաղթեց նորանոր մարզական հաջողություններ։

Հոդվածը՝ Գրիգոր Մուրադյան 2023-1-HU01-ESC51-VTJ-000146422

Լուսանկարները հրապարակեց՝ Սյուզաննա Հակոբյան 2023-1-HU01-ESC51-VTJ-000146422

Continue Reading

Hírek

ՀՀ դեսպան Աշոտ Սմբատյանը հանդիպումը Օրշոյա Պաչայ-Տոմաշիչի հետ

Published

on

Հունիսի 6-ին Հունգարիայում ՀՀ դեսպան Աշոտ Սմբատյանը հանդիպում ունեցավ Հունգարիայի դիվանագիտական ակադեմիայի նախագահ Օրշոյա Պաչայ-Տոմաշիչի հետ (Orsolya Pacsay-Tomassich)։
Հանդիպմանն անդրադարձ կատարվեց դիվանագետների պատրաստման և մասնագիտական զարգացման հարցում Հայաստանի և Հունգարիայի միջև համագործակցության հնարավորություններին, այս համատեքստում կարևորվեց երկու երկրների համապատասխան հաստատությունների միջև շփումների ակտիվացման ուղղությամբ քայլերի ձեռնարկումը։

 

 

Հոդվածը՝ Գրիգոր Մուրադյան 2023-1-HU01-ESC51-VTJ-000146422

Լուսանկարները հրապարակեց՝ Սյուզաննա Հակոբյան 2023-1-HU01-ESC51-VTJ-000146422

Continue Reading

Trending