Connect with us

Hírek

Հունգարացի պատգամավորն անդրադարձել է Հայաստանի հետ հարաբերությունների կարգավորման հեռանկարներին

Published

on

Հունգարիայի խորհրդարանում Հայաստան-Հունգարիա միջխորհրդարանական բարեկամության խմբի ղեկավար Միհալի Բալան անդրադարձել է Հայաստանի և Հունգարիայի միջև հարաբերությունների կարգավորման հեռանկարներին, գործակցության հնարավոր ուդղություններին։

Հունգարիայի խորհրդարանի պատգամավորը կարծիք է հայտնել, որ այս փուլում հատկապես արդյունավետ կարող է լինել համագործակցությունը՝ միտված երկու ժողովուրդների միջև մարդկային շփումների ակտիվացմանը, այս համատեքստում հատուկ կարելի է դիտարկել կրթության և մշակույթի ոլորտներում փոխգործակցության հնարավորությունները։ Նա նաև հնարավորություններ է տեսնում տնտեսության, զբոսաշրջության ոլորտներում համագործակցության համար։

Դեկտեմբերի 2-ին Հայաստանի և Հունգարիայի ԱԳ նախարարները հանդես եկան համատեղ հայտարարությամբ՝ դիվանագիտական հարաբերությունների վերականգնման վերաբերյալ։ Ինչպե՞ս եք տեսնում երկու երկրների միջև հարաբերությունների զարգացման հեռանկարները։

Հայ և հունգարացի ժողովուրդների միջև գոյություն ունեն պատմական և մշակութային կապեր, որոնք արտացոլված են Հունգարիայում բնակվող հայ համայնքի և հայկական մշակութային ժառանգության առկայությամբ։ Հունգարիայի հայերը պատմականորեն իրենց ավանդն են ունեցել Հունգարիայի զարգացման գործում, և այսօր էլ որպես հունգարական հասարակության մեջ լիարժեք ինտեգրված քաղաքացիներ՝ ունեն Հունգարիայի սահմանադրությամբ ամրագրված հատուկ կարգավիճակ։

Ուրախ եմ, որ բոլորովին վերջերս մեր խորհրդարանում ձևավորվել է Հունգարիա-Հայաստան միջխորհրդարանական բարեկամության խումբ, որի նախագահն եմ ես։ Լիահույս եմ, որ նման բարեկամության խումբ կձևավորվի նաև ՀՀ ԱԺ-ում։ Մեր բարեկամության խմբի անդամ է Հունգարիայի հայ ինքնավարության խորհրդարանական ներկայացուցիչը։

Կարծում եմ՝ մենք մեր կողմից նույնպես խորհրդարանական դիվանագիտությամբ և կապերով կնպաստենք երկկողմ հարաբերությունների աստիճանական բարելավմանը և զարգացմանը։ Իմ գնահատմամբ այդ պոտենցիալն առկա է, և երկու արտաքին գործերի նախարարների  հանդիպումով և համատեղ հայտարարությամբ նոր էջ բացվեց Հայաստան-Հունգարիա հարաբերությունների համար, իսկ մենք պարտավոր ենք առավելագույն ջանքեր գործադրել՝ ստեղծված հնարավորությունը ճիշտ օգտագործելու համար։

Չնայած այս զարգացմանը, հայ հասարակության մեջ դեռևս պահպանվում են բացասական հիշողությունները։ Ինչպիսի՞ն է Ձեր մոտեցումը այս հարցին։

Մենք`որպես Հունգարիայի ներկայացուցիչներ, բազմիցս տարբեր մակարդակներում և ձևաչափերով մեր խորը ափսոսանքն ու ցավն ենք արտահայտնել հայազգի զինվորական Գուրգեն Մարգարյանի դաժան սպանության կապակցությամբ։ Այն, ինչ կատարվել է, բոլոր առումներով անընդունելի էր բոլորիս համար, նաև հասկանալի է, որ վերքերի սպիացման համար ժամանակ է անհրաժեշտ, սակայն այսօր մենք պետք է առաջ նայենք` քայլեր ձեռնարկելով մեր հասարակությունների մերձեցման և հարաբերությունների աստիճանական զարգացման ուղղությամբ։

Կարծում եմ՝ճիշտ հարաբերությունների կառուցումը և հարուստ օրակարգը հնարավորություն կտան անդրադառնալ մեր երկու ժողովուրդների միջև առկա բոլոր հարցերին։

Որո՞նք են նախնական ուղղությունները, որոնցում Հունգարիայի կառավարությունը նախատեսում է համագործակցել Հայաստանի հետ։

Կարծում եմ, որ այս փուլում հատկապես արդյունավետ կարող է լինել համագործակցությունը՝ միտված երկու ժողովուրդների միջև մարդկային շփումների ակտիվացմանը, այս համատեքստում հատուկ կարելի է դիտարկել կրթության և մշակույթի ոլորտներում փոխգործակցության հնարավորությունները։

Վստահ եմ, որ հնարավորություններ կան նաև տնտեսության, զբոսաշրջության ոլորտներում համագործակցության համար, ինչպես նաև միջխորհրդարանական կապերի հաստատման առումով։ Իրենց ուրույն դերը կարող են ունենալ նաև միջեկեղեցական կապերը։

Նյութը գրել են՝ Լալա Հայրապետյանը և  Տաթևիկ Մուրադյանը (2022-1-HU01-ESC51-VTJ-000080624)

Continue Reading

Hírek

«Ազնավուր — 100» ներկայացում «Ուրարտու» հայկական թատրոնի բեմականացմամբ

Published

on

Հունիսի 8-ին Հունգարիայի ազգային թատրոնում ցուցադրվեց Շարլ Ազնավուրի 100-ամյա հոբելյանին նվիրված «Ազնավուր — 100» ներկայացումը` Հունգարիայի հայ ինքնավարության Ուրարտու հայկական թատրոնի բեմականացմամբ։ Միջոցառմանը ներկա էին Հունգարիայում ՀՀ դեսպան Աշոտ Սմբատյանը, Հունգարիայի խորհրդարանի պատգամավորներ, Հունգարիայի հասարակական-մշակութային գործիչներ, հունգարահայ համայնքի ներկայացուցիչներ։
Ազնավուրի կյանքին և գործունեությանը նվիրված ներկայացման մեջ Ազնավուրի դերը խաղում էր հունգարացի հայտնի դերասան Լասլո Բայը, Էդիթ Պիաֆի դերը` Օլգա Կովաչը, իսկ մանուկ տարիներին Ազնավուրի դերը` հունգարահայ դերասան Դանիել Լուկաչը։
«Ուրարտու» հայկական թատրոնը արժանացավ Gergely László Vándordíj  2024 թվականին մրցանակին։
Հունգարիայի հայ ինքնավարության «Ուրարտու» հայկական թատրոնը այս տարի նշում է իր 10-ամյակը։

Հոդվածը՝ Գրիգոր Մուրադյան 2023-1-HU01-ESC51-VTJ-000146422

Լուսանկարները հրապարակեց՝ Սյուզաննա Հակոբյան 2023-1-HU01-ESC51-VTJ-000146422

Continue Reading

Hírek

Հայ մարզիկների նվաճումները Բուդապեշտում

Published

on

Հունիսի 6-ին Հունգարիայում ՀՀ դեսպան Աշոտ Սմբատյանը ներկա գտնվեց Բուդապեշտում անցկացվող ազատ ոճի ըմբշամարտի մեծահասակների միջազգային մրցաշարին, որին մասնակցում էր նաև Հայաստանի հավաքականը։ Մրցաշարի արդյունքում Հայաստանի հավաքականի անդամներ Արսեն Հարությունյանը և Արման Անդրեասյանը ճանաչվեցին հաղթող և արժանացան ոսկե մեդալների, իսկ Վազգեն Թևանյանը նվաճեց արծաթե մեդալ։
ՀՀ դեսպանը շնորհավորեց հավաքականի մարզիկներին և մարզչին այս կարևոր նվաճման կապակցությամբ և մաղթեց նորանոր մարզական հաջողություններ։

Հոդվածը՝ Գրիգոր Մուրադյան 2023-1-HU01-ESC51-VTJ-000146422

Լուսանկարները հրապարակեց՝ Սյուզաննա Հակոբյան 2023-1-HU01-ESC51-VTJ-000146422

Continue Reading

Hírek

ՀՀ դեսպան Աշոտ Սմբատյանը հանդիպումը Օրշոյա Պաչայ-Տոմաշիչի հետ

Published

on

Հունիսի 6-ին Հունգարիայում ՀՀ դեսպան Աշոտ Սմբատյանը հանդիպում ունեցավ Հունգարիայի դիվանագիտական ակադեմիայի նախագահ Օրշոյա Պաչայ-Տոմաշիչի հետ (Orsolya Pacsay-Tomassich)։
Հանդիպմանն անդրադարձ կատարվեց դիվանագետների պատրաստման և մասնագիտական զարգացման հարցում Հայաստանի և Հունգարիայի միջև համագործակցության հնարավորություններին, այս համատեքստում կարևորվեց երկու երկրների համապատասխան հաստատությունների միջև շփումների ակտիվացման ուղղությամբ քայլերի ձեռնարկումը։

 

 

Հոդվածը՝ Գրիգոր Մուրադյան 2023-1-HU01-ESC51-VTJ-000146422

Լուսանկարները հրապարակեց՝ Սյուզաննա Հակոբյան 2023-1-HU01-ESC51-VTJ-000146422

Continue Reading

Trending